د سټنډرډ ملي ادارې عمومي رئیس د کندهار ولایت نفتي توکو له یو شمېر سوداګرو او پلورونکو سره وکتل
۱۴۴۴ هجري ۸ جمادي الثاني
د سټنډرډ ملي ادارې عمومي رئیس الحاج ملا فیض الله تمیم د کندهار ولایت د نفتي توکو له یو شمېر سوداګرو او عرضه کوونکو سره وکتل. په دې ناسته کې د سټنډرډ ملي ادارې تخنیکي مرستیال مفتي محمد حامد، د دې ادارې مالي او اداري مرستیال مولوي عطاء الله فرید، د دفتر رئیس مولوي وحید احمد بدري , مطابقت او ارزونې رئیس مفتي فضل اارحمن منصور ,رئیسانو او اړوندو مسوولینو ګډون کړی وو.
په ياده ناسته کې د سټنډرډ ملي ادارې رئيس د بازار په اصلاح، د سوداګرو د ستونزو پر حل او د خلکو د رضايت په برابرولو ټينګار وکړ او ويې ويل؛ زموږ ژمنه دا ده چې د هېواد په بازارونو کې د ټیټ کیفیت نفتي توکو پېر او پلور پای ته ورسوو. هغه زیاته کړه: د خلکو روغتیا او خوندیتوب زموږ او ستاسو د ټولو ایماني وظیفه ده او د همدې اصولو په نظر کې نیولو سره موږ له ګرانو سوداګرو سره همکارۍ ته چمتو یو.
ورپسې د سټنډرډ ملي ادارې تخنیکي مرستیال مفتي محمد حامد د نفتي موادو د کیفیت د لوړولو له پروسې څخه چې په دې وروستیو کې د ملي سټنډرډ ادارې له خوا پیل شوی، د خلکو د رضایت یادونه وکړه او ویې ویل چې موږ هڅه کوو چې د کیفیت د لوړولو په برخه کې هڅې وکړو. د معیارونو د اهمیت په اړه د عامه پوهاوي کچه.
د دې ترڅنګ د سټنډرډ ملي ادارې مشرتابه د سوداګرو نظریات او وړاندیزونه واورېدل او څرګند کړ؛ د سټنډرډ ملي اداره چمتو ده چې د سوداګریزو توکو د کیفیت په برخه کې اړین معلومات او همکارۍ چمتو کړي
