د سټنډرډ ملي ادارې په هرات ولایت کې د نفتي موادو د تصفیې یو شمېر کارخانې وڅېړلې .
د سټنډرډ ملي ادارې په هرات ولایت کې د نفتي موادو یو شمېر کارخانې وڅېړلې. په دې پروسه کې د سټنډرډ ملي ادارې تخنیکي سلاکار محمد طارق صافي، د اړوندو ادارو استازو او د انسا د نفتي توکو د مسلکي او تخنیکي انجنیرانو ګډون کړی و. دغه بهير په هېواد کې د نفتي توکو کيفيت د معياري کولو او ثبات په موخه په لاره اچول شوى دی، چې په هرات ولايت کې د نفتي توکو درې تصفیه مرکزونه په جدي توګه وڅېړل شول. د سټنډرډ ملي اداره هڅه کوي چې هېواد د بندرونو په اداره کولو سره د هېواد بازارونو ته د ټيټ کيفيت نفتي توکو د عرضې مخه ونيسي، د پلور او نفتي موادو د تصفيې له مرکزونو په دوامداره توګه څارنه وکړي.
