د سټنډرډ ملي ادارې د کابل پوهنتون د محصلینو لپاره یو ښوونیز ورکشاپ جوړ کړ.
د ستندرد ملي ادارې د کابل پوهنتون د محصلینو لپاره د سټنډرډ کولو فرهنګ د ودې او د هېواد په وده او پرمختګ کې د هغې د رول تر عنوان لاندې یو تعلیمي پروګرام پیل کړ. د دغه پروګرام د پرانیستې په مراسمو کې د سټنډرډ ملي ادارې د اطلاعاتو او عامه اړیکو امر محترم عاشق الله وزیري، د کابل پوهنتون د محصلانو چارو مرستیال پوهاند صلاح الدین ایوبي، د دغه پوهنتون ویاند رحیم الله ندیم ګډون کړی و. د کابل پوهنتون د اقتصاد پوهنځي اړوندو مسوولینو او محصلینو هم حضور درلود.
