د خوراکي توکو او کرنیزو محصولاتو د تخنیکي کمېټې TC3غونډه ترسره شوه.
په سټنډرډ ملي اداره کې د خوراکي توکو او کرنیزو محصولاتو د تخنیکي کمېټې (TC3)غونډه ترسره شوه. په دغه غونډه کې د علومو اکاډمي د کیمیا، بیولوژي او زراعت مرکز رییس سر محقق محمد یاسین، د اوبو او خوړو د کیفیت کنټرول د لابراټوار عمومي مدیر بصیر احمد فقیري، د پوهنتون استادانو او کارپوهانو برخه لرله.
د کمېټې په غونډه کې د شپږو سټنډرډونو له ډلې د مېوې، سبزۍ او په دې پورې د اړوندو محصولاتو د ازمېیښت د تګلارې پر درېیو سټنډرډونو او د صنعتي کارونې لپاره د سوډیم کلورایډ د ازمېيښت د تګلارې پر درېیو سټنډرډونو کار ترسره شو.
په دغه ناسته کې د تخنیکي کمېټې د راتلونکو غونډو د جوړولو پر څرنګوالي هم بحث ترسره شو.
