د معیار او کیفیت ادارې د کانونو د معیارونو د جوړونې د فني هیئت غونډه جوړه شوه
د معیار او کیفیت ادارې د کانونو د معیارونو د جوړونې فني هیئت غونډه جوړه شوه، چې د کانونو له سکتور سره اړوند د معیارونو مسوده وڅېړل شي او وروستۍ شي.
په دې تخصصي ناسته کې، مولوي محمد حنیف د کورنیو معیارونو او ودانیزو رمزونو د تدوین او ترویج رئیس، د فني هیئت رئیس او تخنیکي غړو ګډون درلود.
د اجندا له مخې، غړو د معیار د مسودې پاتې برخو، د کار تګلارې او اړوندو ازمویښتونو په اړه خپلې نظریې، لیدلوري او بشپړونکي وړاندیزونه وړاندې کړل، چې له ارزونې وروسته تائید شول.
همدارنګه، د غونډې په بله برخه کې د کانونو د معیارونو د تدوین اړوند موضوعاتو باندې هر اړخیز او رغنده بحثونه وشول، تر څو د معیارونو د جوړېدو بهیر په علمي او اغېزمن ډول پرمخ ولاړ شي.
د معیار او کیفیت اداره د د دقیقو او داخلي اړتیاوو مطابق معیارونو په تدوین سره هڅه کوي، چې د کانونو په برخه کې د کیفیت، خوندیتوب او شفافیت کچه لوړه کړي او د طبیعي زیرمو د اغېزمنې استفادې زمینه برابره کړي.
