په سټنډرډ ملي اداره کې په ملي قوانینو کې له ښځو د ملاتړ ورکشاپ ترسره شو.
د بشري حقونو خپلواک کمیسیون له لوري د سټنډرډ ملي ادارې د جنډر امریت په همکارۍ د (په ملي قوانینو کې له ښځو ملاتړ) تر نامه لاندې ورکشاپ ترسره شو. په دغه ورکشاپ کې چې د دې ادارې د بېلا بېلو برخو کارکوونکو په کې برخه لرله، په اساسي قانون، کار قانون، مدني قانون، د ښځو په وړاندې د تاوتریخوالي د مخنیوي قانون او د جزا کوډ په اړه معلومات وړاندې شول.
دا په داسې حال کې ده چې د افغانستان اساسي قانون د ښځو حقوق په رسمیت پېژندلي دي او په انساني کرامت او بشري حقوقو کې مساوي او له نارینه سره برابر حقوق ورکړل شوي دي.
