د سټنډرډ ملي ادارې د ځینې تشو تخنیکي بستونه ازموینه د ازادې سیالۍ له لارې واخیستل شوه
د سټنډرډ ملي ادارې د څلورم بست لپاره د ودانیزو څېړنو کارپوه او د نفتي توکو له سټنډرډونو څخه د تطبیق څارنې کارپوه بستونو رقابتي ازموینه ترسره شوه، دا ازموینه د سټنډرډ ملي ادارې د بشري سرچینو امر مفتي فضل الرحمن منصور، د څېړونو امر هارون باوري د اداري اصلاحاتو د کمیسیون د استازي او د بشري سرچینو د مسؤلینو په ګډون سره پای ته ورسیده.
پدې آزموینه کې د یاد بست لپاره په لسهاوو تنو په شرایط برابرو کسانو ترمنځ سیالۍ ترسره شوه، چې له نېکه مرغه د کارغوښتونکو د شارټ لیسټ کولو پروسه او آزموینه په کره او عادلانه ډول خلاصه شوه.
سټنډرډ ملي اداره ددې ادارې د جوړښت لپاره مسلکي او په کارپوه کسانو ګمارلو ته ژمنه ده او د وړ کسانو ګمارنه د ازادې سیالۍ له لارې تشو بستونو ته دوام لري.
