د سایبري امنیت برنامې ښوونکي په سټنډرډ ملي اداره کې وستایل شول
د سټنډرډ ملي ادارې د سایبري امنیت برنامې ښوونکي چې ددې ادارې ټولو کارکوونکو ته یې د مخابراتو او معلوماتي ټکنالوژۍ وزارت او د سټنډرډ ملي ادارې د بشري سرچینو د ظرفیت لوړونې برخې په همکارۍ روزنه ورکړه، وستایل شول. پدې ستاینغونډه کې د سټنډرډ ملي ادارې د بشري سرچینو امر مفتي فضل الرحمن منصور، د بشري سرچینو د ظرفیت لوړونې کارپوه زاهد عزیز او د اړوندو برخو مسؤلینو او کارکوونکو ګډون درلود.
پدې برنامه کې د ټکنالوژۍ څخه د امنې ګټې اخیستنې، د مجازي فضا خوندیتوب، د ټکنالوژۍ ګواښونو او خطرونو، د سایبري جرمونو، او په دیجیټال نړۍ کې د لارښونو او د خپل ځان خوندیتوب اړوند کارکوونکو ته روزنه ورکړل شوه.
د سټنډرډ ملي ادارې مسؤلینو او کارکوونکو ددې برنامې د ښوونکو له هڅو او زیار څخه مننه وکړه او دا برنامه یې ګټور او اغیزمنه وګڼله.
دا ستاینغونډه ښوونکو ته په ځانګړو ډالیو سره پای ته ورسیده.
