د پولي تخنیک پوهنتون لسګونه زده کړیالانو په سټنډرډ ملي اداره کې له خپلو مونوګرافونو څخه دفاع وکړه.
سه شنبه ۱۳۹۸/ زمري/۱۵
د پلي تخنیک پوهنتون لسګونه زده کړیالانو د دغه پوهنتون د یو شمېر استادانو او د سټنډرډ ملي ادارې د تخنیکي مرستیال خواجه جاوېد صدیقي او لسګونه نورو کار کوونکو په موجودیت د پوهنتون د خپلې څلور کلنې دورې له مونوګرافونو څخه دفاع وکړه.
په دې تړاو جوړه شوې غونډه کې خواجه جاوېد صدیقي و ویل چې زمونږ لپاره د ویاړ ځای دی چې د یاد پوهنتون زده کړیالان په انسا اداره کې له خپلو مونوګرافونو څخه دفاع کوي. د نوموړي په وینا چې غوره ده، څو په انسا اداره کې د یاد پوهنتون له کدرونو څخه د هېواد د پرمختګ په موخه ګټه پورته شي.
د دې ترڅنګ د پولي تخنیک پوهنتون د کیمیاوي ټکنالوژۍ پوهنځي رییس پوهندوی انجنیر عبدالغفور نورزاد یادو زده کړیالانو ته د لیسانس دروې د فراغت مبارکي و ویله او د پولي تخنیک پوهنتون د جوړښت او د تاریخ په اوږدو کې د پرمختګونو په اړه یې خبرې وکړې.
په دې پسې لسګونه زده کړیالانو له خپلو مونوګراوفونو څخه دفاع وکړه او او د اړونده استادانو له لوري یې مونوګرافونه و ارزول شول.
