د سټنډرډ ملي ادارې د افغانستان ملي سټنډرډونه نندارې ته وړاندې کړل.
شنبه ۱۳۹۸/مرغومی/۷
د افغانستان د سټنډرډ ملي ادارې(انسا) په هغه نندارتون کې چې د( ودې لپاره د مشارکت ملي نندارتون او کنفرانس) تر نامه لاندې جوړ شوی و، د افغانستان ملي سټنډرډونه نندارې ته وړاندې کړل.
د دغه نندارتون په تړاو جوړ شوي کنفرانس کې د دولتی چارواکو او خصوصي سکټور د یو شمېر مشرانو تر څنګ د افغانستان بانک، عزیزي بانک او دغه راز د برښنا شرکت رییسانو هم ګډون درلود.
دغه نندارتون چې د انسا ادارې په ګډون لسګونه دولتي ادارو او خصوصي کمپنیو خپل تولیدات نندارې ته وړاندې کړل د مرغومې میاشتې په څلورمه نېټه پیل او تر شپږمې نېټې پورې یې دوام وکړ. د دغه نندارتون موخه په هېواد کې د داخلي تولیداتو ترویج او خلکو ته عامه پوهاوی و، څو له خپلو تولیداتو څخه ګټه واخلي او په دې توګه د هېواد اقتصاد غښتلی شي. د دغه نندارتون شعار( عالي دي، افغاني دي) تر نامه لاندې ډیزاین شوی و.
دغه نندارتون چې په پلازمېینه کابل سرینا هوټل کې جوړ شوی و، د سټنډرډ ملي ادارې تر څنګ لسګونه نورو دولتي ادارو او خصوصي کمپنیو هم خپل تولیدات نندارې ته وړاندې کړل.
