د سټنډرډ ملي ادارې د لوی رییس په مشرۍ غونډه جوړه شوه.
شنبه
۸/غبرګولی/۱۴۰۰
د سټنډرډ ملي ادارې د لوی رییس ذبیح الله زیارمل په مشرۍ د مشرتابه پلاوي غونډه جوړه شوه چې د دې ادارې اړوندو مسوولینو او کارکوونکو په کې برخه درلوده.
په غونډه کې ښاغلي زیارمل د دې ادارې پر تشکیلاتي جوړښت بحث وکړ او په وینا یې چې په نږدې راتلونکي کې به د نوي تشکیل له مخې کارکوونکي وګمارل شي او تر څنګ به یې د سرپرستۍ پروسه هم پای ته ورسېږي. نوموړي دغه راز د دې ادارې لپاره پر خپلو وروستیو پنځو لومړیتوبونو بحث وکړ چې د ستوریزې طبقه بندۍ ملي پروسه، د مټرولوژۍ د قانون تصویب او انسټیټوټ را منځته کول، په فني او تخنیکي توګه د اداري بنسټونو تجهیز، د ودانیزو ملي کوډونو پراختیا او د سټراتژیک پلان پر بنسټ د چارو تعقیبول په کې شامل دي.
د غونډې په جریان کې اړوندو مسوولینو د اداري چارو په تړاو خپل نظرونه او وړاندیزونه شریک کړل او د ښاغلي زیارمل له لوري ورته د چارو د لا ښه والي په موخه سپارښتنې ترسره شوې.
