د سټنډرډ ملي ادارې د لوی رییس په مشرۍ انلاین ناسته ترسره شوه.
۱۵/غبرګولی/۱۴۰۰
د سټنډرډ ملي ادارې د لوی رییس ذبیح الله زیارمل په مشرۍ انلاین ناسته ترسره شوه چې د اړونده برخو مسوولینو او کارکوونکو په کې برخه لرله.
په پیل کې د پلان او پالیسۍ رییس او د دې ادارې سرپرست د بېلا بېلو برخو د اونۍ د فعالیتونه راپور وړاندې کړ چې د ښاغلي زیارمل له خوا واورېدل شو.
ښاغلي زیارمل د (ISO 17025) سرټیفکشن پروسې په اړه خبرې وکړې او په وینا یې چې له صنعت او سوداګرې وزارت سره دې یوه ناسته ترسره شي، څو د سرټیفکشن په اړه په جزیاتو سره نظرونه وړاندې شي. نوموړي دغه راز د مټرولوژۍ د قانون طرحې تصویب د انسا ادارې مسوولینو او په ځانګړې توګه د مټرولوژۍ څانګې ته مبارکي وویله او دا یې مهمه لاسته راوړنه وګڼله. د هغه په وینا دا قانون پراخه کاري ساحه ایجادوي او ګام په ګام باید ترې ګټه پورته شي.
د ناستې په اوږدو کې د اړوندو برخو مسوولینو د چارو په اړه خپل راپورونه وړاندې کړل او د ښاغلي زیارمل له لوري د چارو د لا ښه والي په موخه لازمې سپارښتې وړاندې شوې.
