د سټنډرډ ملي ادارې لوی رییس د پولي تخنیک پوهنتون له رييس سره لیدنه وکړه.
چهارشنبه
۲۴/شوال/۱۴۴۳
د سټنډرډ ملي ادارې لوی رییس ښاغلي الحاج فیض الله تمیم د کابل پولي تخنیک پوهنتون له رییس پوهنوال ډيپلوم انجنیر عبدالرشید اقبال سره لیدنه وکړه. په دغه لیدنه کې د پولي تخنیک پوهنتون ادارې د مالي او اداري چارو مرستیال او د سټنډرډ ملي ادارې د دفتر او د ارشاد او دعوت رییسانو برخه لرله.
دغه ناسته چې د سټنډرډ ملي ادارې له لوري د مسلکي او تختصصي کادرونو د جلب په موخه ترسره شوه، لوی رییس ښاغلي الحاج فیض الله تمیم د سټنډرډ ملي ادارې پر موقعیت او د هېوادوالو د ژوند په ښه والي کې د سټنډرډونو د رول او ارزښت په تړاو خبرې وکړې او په دغه اداره کې یې د وړ او ظرفیت لرونکو کادرونو د جذب یادونه وکړه. نوموړي و ویل د وړتیا اصل او په حکومتي ادارو کې د وړ او مسلکي کسانو ګمارنه د ا.ا له لومړیتوبونو څخه دي او د سټنډرډ ملي اداره هڅه کوي، د دې اصل په رعایت کولو سره د وړاستعدادونو په غوړولو کې خپل رول ادا کړي.
د دې ترڅنګ د پولي تخنیک پوهنتون رییس د سټنډرډ ملي ادارې د رهبرۍ په راتګ خوښي وښوده او د مسلکي کادرونو جذب یې بې مخینې ګام یاد کړ. نوموړي د مسلکي او تخصصي کادرونو جذب یو مثبت اقدام وګاڼه او په وینا یې چې دا چاره د زده کړیالانو د وړتیاو په لوړولو او هڅونه کې رغنده رول لوبوي.
د دغې ناستې په پای کې د دواړو لورو ترمنځ پر لا زیاتې او هر اړخیزې همکارۍ ټینګار وشو.
