د ۱۴۰۵ مالي کال لپاره د مطبوع او غیر مطبوع قرطاسیې، پرنټر او کاپيیر رنګونو د چمتو کولو او تدارک د داوطلبۍ خبرتیا

د معیار او کیفیت اداره له ټولو په شرایطو برابرو داوطلبانو څخه غواړي، ترڅو د ۱۴۰۵ مالي کال لپاره د اړتیا وړ مطبوع او غیر مطبوع قرطاسیې، د پرنټر او کاپيیر ماشین د رنګونو د چمتو کولو او تدارک په پروسه کې ګډون وکړي.

داوطلبان کولای شي، اړونده شرطنامه په فلش ډیسک کې په وړیا ډول د معیار او کیفیت ادارې د تدارکاتو له آمریت او یا هم د ملي تدارکاتو له سایټ څخه ترلاسه کړي. خپل آفرونه د شرطنامې له شرایطو، تدارکاتي قانون او طرزالعمل سره سم په سرتړلې بڼه د اعلان د خپرېدو له نېټې څخه تر (۲۱) تقویمي ورځو پورې د معیار او کیفیت ادارې تدارکاتو آمریت ته چې په صنعتي ښارګوټي، له نوې سړک تېر، کابل-جلال اباد لویه لار کې موقعیت لري، وسپاري.

ناوخته رسېدلي او انټرنیټي آفرونه(وړاندیزونه) د منلو وړ نه دي. د آفرونو پرانیستلو غونډه د اعلان له خپرېدو ۲۱ تقویمي ورځې وروسته، له غرمې مخکې په (۱۰:۰۰) بجو د معیار او کیفیت ادارې په دریم پوړ، د تدارکاتو په آمریت کې ترسره کېږي.