د اوزان او مقیاس ریاست د حقوقي مترولوژۍ د فعالولو او د آزمایښتون توکو د چمتو کولو پروژې د داوطلبۍ بلنه

د معیار او کیفیت اداره په شرایطو برابرو ټولو داوطلبانو ته بلنه ورکوي ترڅو د ۱۴۰۵ مالي کال لپاره د اوزانو او مقیاسونو ریاست د مرکز د قانوني مترولوژۍ د فعالولو او د آزمایښتون (لابراتوار) د ۶۲ قلمه وسایلو او اجناسو د چمتو کولو او تدارک پروژې د داوطلبۍ په پروسه کې ګډون وکړي.

واجد شرایط داوطلبان کولای شي اړونده شرطنامه په وړیا ډول په سافټ بڼه په فلش ډېسک کې د معیار او کیفیت ادارې د تدارکاتو له آمریت څخه ترلاسه کړي. خپل آفرونه په شرطنامه کې د لیکل شویو شرایطو، د تړونونو (عقودو) د قانون او د تدارکاتو د کړنلارې سره سم په تړل شوې (سربسته) بڼه د دغه اعلان د خپرېدو له نېټې څخه تر (۲۱) تقویمي ورځو پورې د تدارکاتو آمریت ته وسپاري. له ټاکلې نېټې وروسته او انټرنیټي آفرونه په هېڅ ډول د منلو وړ نه دي.

د آفرونو د پرانیستلو غونډه د اعلان د خپرېدو له نېټې څخه ۲۱ تقویمي ورځې وروسته، د غرمې مخکې په (۱۰:۰۰) بجو د معیار او کیفیت ادارې په درېیم پوړ کې د تدارکاتو په آمریت کې ترسره کېږي.