د روغتیا او طبي وسایلو د سټنډرډونو د تدوین تخنیکي کمیټې غونډه ترسره شوه
یاده غونډه د سټنډرډ ملي ادارې په تخنیکي تالار کې د ملي سټنډرډونو او ودانیزو کوډونو د تدوین او ترویج رئیس مولوي محمد حنیف، د اړوندې کمیټې د رئیس او غړو په حضور کې ترسره شوه.
په دې ناسته کې د انسان د حرارت د درجې د متناوبې اندازې لپاره د بیا کارېدونکي د فاز بدلون لرونکي تب سنج لپاره د ASTM E1299-96 Reapproved (2023) سټنډرډ په اړه او نورو اړوندو موضوعاتو په اړه بحث او نظرونه تبادله شوو.
د کمیټې غړو د دې ډول ترمامیترونو په تخنیکي ټکو او تخنیکي مشخصاتو مفصل بحثونه وکړل او ارزښتناکې نظریې یې د یاد سټنډرډ د نهایي کېدو لپاره وړاندې کړې.
سټنډرډ ملي اداره ژمنه ده چې د نړیوالو معتبرو سټنډرډونو د تدوین او تطبیق له لارې د طبي تجهیزاتو د معیاري کولو او د عامې روغتیا د تضمین په برخه کې مؤثر رول ولوبوي.
