د سټنډرډ ملي اداره د کورنیو تولیداتو د معیاري کولو په پار په کابل ولایت کې یو تولیدي فابریکه تر څارنې لاندې ونیوله
سټنډرډ ملي ادارې د جهان فولاد په نوم یوه تولیدي فابریکه چې په صنعتي پارکونه موقعیت لري، تر څارنې لاندې ونیوله ددې ادارې څارنیز هیئت د یادې فابریکې د تولید ډول، د تولید ظرفیت او د سټنډرډونو مراعتول تر څارنې لاندې ونیول.
یادې فابریکې ته چې بیلابیل میخونه، ازغن تار، جستي تار او دې ته ورته توکي تولیدوي، سپارښتنه وشوه چې خپل تولیدات د کورنیو معیارونو سره سم عیار کړي.
ددې څارنې څخه موخه په هېواد کې د تولیداتو معیاري کول، د کورنیو تولیداتو پیاوړي کول او د کیفیت د کچې لوړل دي. سټنډرډ ملي اداره له ټولو کورنیو سوداګرو او پانګوالو غواړي چې د ملي سټنډرډونو سره سم سالمه سوداګرۍ او کاروبار وکړي.
