د سټنډرډ ملي ادارې عمومي رئیس الحاج ملا فیض االله تمیم په مالي چارو کې پر شفافیت او جديت ټینګار وکړ
1444هـ 2 شعبان د سټنډرډ ملي ادارې عمومي رئیس الحاج ملا فیض الله تمیم د سټنډرډ ملي ادارې د مرکز او بندرونو د مالي څانګې کارکوونکو ته د روزنیز ورکشاپ د پای په مراسمو کې ګډون وکړ. په دې غونډه کې د سټنډرډ ملي ادارې د مطابقت او ارزونې رئیس مفتي فضل الرحمن منصور، د مالي او اداري چارو رئیس مولوي حنیف اخندزاده, د ولایتي چارو رئیس مولوي احمد الغازي او د ولایتي څانګو د مالي برخو مسؤلینو او د اړونده شعباتو مسؤلینو ګډون کړی وو. غوڼده د سپېڅلي کلام د مبارکو آیاتونو په تلاوت سره پیل شو. لومړی د سټنډرډ ملي ادارې عمومي رئیس په دې غونډه کې له ګډون څخه خوښي څرګنده کړه او ویې ویل؛ د چارو د پرمختګ په برخه کې ستونزې شته، خو د ښې همکارۍ، همغږۍ او اړیکو له لارې حل کېدای شي. نوموړي د مرکز او ولايتونو ترمنځ د اړيکو ټينګښت مهم وباله او په دې برخه کې يې د لا ښه والي لپاره همغږي اړينه وبلله. نوموړي د خپلو خبرو په دوام کې په چارو کې په پوره روڼتیا او اخلاص باندې ټینګار وکړ او زیاته یې کړه چې موږ باید د خپل هېواد د لوړو موخو رسیدلو لپاره په شفافیت باندي ټینګار وکړو او د خپل رب او ولس په وړاندې خپل مسوولیتونه ادا کړو. نوموړي د سټنډرډ ملي ادارې د مرکز او بندرونو مالي مسوولینو ته لازمې سپارښتنې وکړې او د لوی الله تعالی درباره څخه ټولو ته د کامیابۍ غوښتنه وکړه
