د سټنډرډ ملي ادارې عمومي رئیس د کابل د پانګونې او سوداګرۍ خونې له غړو سره وکتل
۱۴۴۶هـ . ق ۵ محرم
د سټنډرډ ملي ادارې عمومي مشر الحاج ملا فیض الله تمیم د کابل د پانګونې او سوداګرۍ خونې له غړو سره په خپل کاري دفتر کې ولیدل او خبرې یې وکړې.
د سټنډرډ ملي ادارې عمومي رئیس د سټنډرډ کولو اړوند هر اړخیزې خبرې وکړې او ویې ویل:
موږ خپله باید خپل هېواد جوړ کړو، پردي زموږ هېواد نه جوړوي. نوموړي همدارنګه یادونه وکړه، چې په بېلابېلو برخو کې موږ د اړتیا وړ سټنډرډونه لرو او په آسانه ډول سوداګرو او پانګوالو ته د لاسرسي وړ دي. هغه یادونه وکړه: « د کورنیو تولیداتو معیاري کول د هېواد د ملي اقتصاد او سوداګرۍ په پرمختګ کې مهم رول لري.
د کابل د سوداګرۍ خونې غړو د سټنډرډ ملي ادارې له کړنو او فعالیتونو څخه ستاینه وکړه او ویې ویل: په ټول هېواد کې د امنیت له کبله له نېکمرغه دې ته لار هواره شوې ده چې هېواد تر پخوا لا زیات پرمختګ او ترقي وکړي همدارنګه د سټنډرډونو د تطبیق، د سټنډرډونو اړوند د عامه پوهاي او په هېواد کې د سټنډرډونو د رواجولو په اړه یې د همکارۍ ژمنه وکړه.
په پای کې دواړو لورو د لازیاتو همکاریو په دوام او د لازمې همغږي اړوند ژمنې وکړې.
