د سټنډرډ ملي ادارې عمومي رئیس د کابل په هوايي ډګر کې د کام ایر RO پټرولیم او ګلوبل شرکت د نفتو له ذخیرو او لابراتوارونو څخه لیدنه وکړه.

د سټنډرډ مي ادارې عمومي رئیس الحاج ملا فیض الله تمیم او محمد طارق صافی د ادارې سلاکار د یو پلاوي په ملتیا د کابل په هوايي ډګر کې د RO پطرولیم او ګلوبل د نفتو له ذخیرو او لابراتوارونو څخه لیدنه وکړه. د يادو شويو شرکتونو لابراتوارونه د نفتي توکو په ځانګړي ډول د الوتکو د سونګ توکو د کيفيت د ټينګښت په برخه کې فعال دي. دغه کتنه چې د نفتي توکو په برخه کې د خصوصي لابراتوارونو د څارنې او د نفتو د زېرمو د چک په موخه جوړه شوې وه، د يادو لابراتوارونو له بېلابېلو څانګو څخه د ليدنې پر مهال د  سټنډرډ ملي ادارې عمومي رئيس د اړوندو معيارونو په اړه معلومات ورکړل او د هغوى مسوولينو ته يې لازمې سپارښتنې وکړې