د سټنډرډ ملي ادارې له لوی رییس سره د مالیې وزارت د ګمرکونو معینیت د غیر مالیاتي عوایدو رییس لیدنه.
د ا.ا.ج د مالیې وزارت د ګمرکونو معینیت د غیر مالیاتي عوایدو رییس امان الله امین د سټنډرډ ملي ادارې له لوی رییس ښاغلي ذبیح الله زیارمل، مالي او اداري عمومي رییس وحید نوري او مالي او اداري رییس حکمت الله الکوزي سره وکتل. په دغه لیدنه کې چې د انسا ادارې د لوی رییس په کاري دفتر کې ترسره شوه، د سټنډرډ ملي ادارې د عوایدو د زیاتوالي پر طرحې هر اړخیز بحث وشو.
په دغه ناست کې د عوایدو راټولولو د سېسټم پر ایجاد، د انسا ادارې د عوایدو راټولولو د مرکزي کولو پر طرحه، همدارنګه د دې ادارې د موجودو او تازه عایداتي سرچینو د څېړنې په تړاو نظرونه وړاندې شول. د ناستې په پای کې ښاغلي امین او همکارانو یې د همکارۍ ژمنه وکړه.
