د سټنډرډ ملي ادارې میټرولوژي لابراتوار په ملي او نړیواله کچه د عادلانه سوداګرۍ په ډګر کې ترټولو مهم او بنسټیز ګام دی
د سټنډرډ ملي ادارې د میټرولوژي لابراتوار (وزن او ترازو) چې خورا مجهز ماشینونه او مسلکي پرسونل لري. اوس مهال، پورته ذکر شوی لابراتوار په پنځو ځانګړو برخو (کتله، اوږدوالی، حجم، فشار او بریښنا) کې د اندازه کولو (69 )دقیق او عصري وسایل لري .چې په بازارونو کې د ټیټ پلور (کم وزن) او څارنې ته لاره هواره وي او د مصرف کوونکو حمایت کوي.
د دې لابراتوار شتون د کیفیت د بنسټیزو جوړښتونو د پیاوړتیا، د هیواد په بازارونو کې باور د رامنځته کولو او نړیوالو بازارونو ته د هیواد د تولیداتو او توکو د لاسرسي لپاره د اسانتیاوو د برابرولو په برخه کې مهم او حیاتي حیثیت لري.
