د فلزي محصولاتو د سټنډرډونو اړوند روزنیزه برنامه په سټنډرډ ملي اداره کې ترسره شوه
پدې روزنیزه برنامې کې چې د تخنیکي غونډو په تالار کې جوړه شوې وه، د سټنډرډ ملي ادارې عمومي مشر الحاج ملا فیض الله (تمیم)، ددې ادارې عمومي سلاکار محمد طارق (صافي)، رئیسانو او د مرکز او بندرونو کارکوونکو ګډون درلود.
برنامه د قرآن عظیم الشان په مبارکو آیتونو پیل شوه.
په پیل کې الحاج ملا فیض الله (تمیم) د دا ډول برنامو په جوړولو خوښي څرګنده کړه او ویې ویل: «زموږ په لومړیتوبونو کې د کارکوونکو مسلکي ظرفیت لوړول دي، موږ په ټول توان سره له هغو برنامو څخه چې د همکارانو مسلکي پوهه او مهارتونو ته وده ورکوي، ملاتړ کوو.
وروسته ددې ادارې عمومي سلاکار محترم محمد طارق (صافي) ددې برنامې د اهمیت اړوند هر اړخیزه وینا وکړه او د تخنیکي او مسلکي کارکوونکو ترمنځ یې په همغږي او همکاري تاکید وکړ.
همدارنګه د ودانیزو توکو د سټنډرډونو د جوړونې امر انجنیر عنایت الله (یما) یو هر اړخیز پرزینتیشن د فلزي محصولاتو او د ازمایښت لارو اړوند یې وړاندې کړ.
دا برنامه چې دوه ورځې یې دوام درلوده، د ودانیزو توکو د کیفیت د تثبیت برخې د کارکوونکو د مسلکي مهارتونو د ودې لپاره ډېره ګټوره وه.
