د معیار او کیفیت ادارې د چاپېریال معیارونو د تدوین په اړه غونډه جوړه شوه
د چاپېریال جامدو مټریکسونو اړوند د معیارونو د مسودې د ارزونې او وروستۍ کولو په موخه، د معیار او کیفیت ادارې د چاپېریال معیارونو د تدوین فني هیئت غونډه، ددې ادارې په تالار کې جوړه شوه.
پدې تخصصي ناسته کې د داخلي معیارونو او ودانیزو رمزونو د تدوین او ترویج رئیس مولوي محمد حنیف، د اړوند هیئت رئیس او فني غړو ګډون کړی و.
د غونډې ګډونوالو په اوبو او د مینځلو په محلولونو کې د حل شوو جامدو توکو(TDS) ټولیز مقدار د ټاکلو د معیار په مسودې هر اړخیز او رغنده بحث وکړ او خپل مسلکي نظریات یې د یاد معیار د ښه والي او پراختیا لپاره شریک کړل.
د معیار او کیفیت اداره تل هڅه کوي چې د علمي معیارونو له تدوین سره، د ټولنې د روغتیا تأمین، د چاپېریال ساتنه او د هیواد دوامدار پرمختګ ته زمینه برابره کړي.
