د ۱۴۰۴ مالي کال لپاره د سټنډرډ ملي ادارې د چاپي او غیر چاپي قرطاسیې، پرنټر او کاپي ماشین رنګونو د قرارداد ورکړې د پرېکړې اعلان
د افغانستان سټنډرډ ملي اداره په پام کې لري چې د ۱۴۰۴ مالي کال لپاره د اړتیا وړ چاپي او غیر چاپي قرطاسیې او د پرنټر او کاپي ماشین رنګونو د تهیه او تدارک قرارداد، محترم ظهیر حسین لمېټډ سوداګریز شرکت ته چې د جواز ګڼه یې (38427) ده او په کابل ښار، صدارت څلورلارې کې موقعیت لري، د نهه سوه پنځلس زره څلور سوه دوه څلوېښت (۹۱۵،۴۴۲) افغانیو په مجموعي قیمت ورکړي.
هغه حقیقي او حکمي اشخاص چې په دې اړه هر ډول اعتراض ولري، کولای شي خپل اعتراض ددې اعلان له خپرېدو څخه تر اوو تقویمي ورځو پورې په لیکلي ډول له دلایلو سره یوځای د سټنډرډ ملي ادارې د تدارکاتو آمریت ته، چې د کابل-جلال اباد لویې لارې، د صنعتي پارکونو ساحه، د پخواني افغان-ترک ریاست ته نه رسېدلی، وسپاري.
دا خبرتیا د قرارداد د عقد په معنا نه ده او د پورته ذکر شوې مودې تر بشپړېدو او ورپسې قانوني پړاوونو تر وروستي کېدو پورې به قرارداد نه لاسلیک کیږي.
