سټنډرډ نړیواله ورځ
نن ورځ ستندرد د ژوند په ټولو اړخونو کې مهم رول لري. د ستندردونو پر اهمیت او غوره موقف ټینګار پایدارو اقتصادي سیاستونو ته د رسېدو تر ټولو مهمه ځانګړنه ده. په داسې شرایطو کې چې په لویو نړیوالو بازارونو کې رقابت لوړ او داسې کیفیت ته اړتیا لري چې له نړیوالو ستندردونو سره برابر وي، هغه تولید چې لازم کیفیت او ستندردونه ونه لري، د نړیوالو مشتریانو ترمنځ اعتبار نه لري.
د ټولنې په بېلابېلو کچو کې د ستندرد د فرهنګ ترویج، پراختیا او ارتقا، د خدماتو او توکو د وړاندې کولو د کیفیت رقابتي کول، د ملت غوښتنو ته ځواب ویل او د هغوی د رضایت د کچې زیاتېدل هغه مهم موارد دي چې په ټولنه کې له ستندرد کولو سره تړلي دي.
