په سټنډرډ ملي اداره کې د ودانیزو توکو جوړونې اړوند غونډه ترسره شوه
پدې غونډه کې د ملي سټنډرډونو او ودانیزو کوډونو د جوړولو او رواجولو رئیس مولوي محمد حنیف، د اړوندې کمیټې رئیس او غړو ګډون درلود چې د تخنیکي غونډو په تالار کې جوړه شوې وه.
په یاده غونډه کې د خټینې خښتې سټنډرډ او د هغه د آزمایښت کړنلاره تایید شوه او په کانکریټ کې د زیاتېدونکو کیمیاوي توکو د ځانګړنو ستنډرډ او د هغه د آزمایښت په کړنلارو هم بحث او نظرونو تبادله وشوه.
د ودانیز توکو سټنډرډونه د ځانګړنو، لارښوونو او فني او مسلکي کړنلارو ټولګه ده، چې معماران او انجینران باید هغه د جوړولو او ودانولو په برخه کې تعیقب کړي څو هم ودانۍ امنې او پايښت ولري او هم د طبیعي پېښو پر وړاندې ځواکمنې وي.
