په کابل ولایت کې د ټیټ کیفیت نفتي توکو د پمپ سټیشنونو، ذخیرو او مرکزونو د څارنې دویم پړاو دوام لري.
د کابل ښار په بېلابېلو سیمو کې د نفتي توکو د ټانکونو، د خرڅلاو د مرکزونو او د نفتي توکو د ذخیرو د څارنې او تفتیش د پروسې دویم پړاو د افغانستان د سټنډرډ ملي ادارې د لابراتوارونو آمر ملا زبیر سعد د سټنډرډ ملي ادارې مسلکي انجنیرانو او د نفتي ګاز ریاست ، د کابل ښاروالۍ، امنيتي ارګانونو او نورو اړوندو ادارو استازو په ګډون پيل شو. دا پروسه چې په کابل کې د نفتي توکو د معیاري کولو او د ټیټ کیفیت نفتي توکو د عرضې د مخنیوي په هدف پیل شوې، هغه پمپ سټېشنونه، د پلور مرکزونه او پلورنځي به وتړي چې نفتي مواد یې له ملي معیارونو سره په ټکر کې وي. له هغه سوداګر چې بې کیفیته توکي پیر او پلور حوي عدلي او قضايي ارګانونو ته به معرفي شي.
