د افغانستان د سټنډرډ ملي ادارې او د کابل پوهنتون د فارمسي پوهنځي په ګډه د دواړو لورو ترمنځ د لاسلیک شوي تفاهم لیک د تطبیق لپاره عملي اقدامات پیل کړي دي.
د دغه تفاهم لیک پر بنسټ، د سټنډرډ ملي ادارې د خوراکي توکو د لابراتوار مسلکي او تخصصي مسوولینو د خپلو تخنیکي ظرفیتونو د لوړولو په موخه، د فارمسي پوهنځي د استادانو او متخصصینو په همکارۍ د خوراکي توکو د تطبيق په اړه څېړنې او بیاکتنې ترسره کړې. اوس مهال د سټنډرډ ملي ادارې د خوراکي توکو د لابراتوار تخنیکران په اونۍ کې دوه ورځې د کابل پوهنتون د فارمسي پوهنځي د استادانو او متخصصینو له خوا د اړوندو معیارونو د تطبیق په برخه کې تر روزنې او عملي کار لاندې دي.
