د سټنډرډ ملي ادارې د چاپیریال د سټنډرډونو د جوړولو تخنیکي کمیټې غونډه ترسره شوه
دا غونډه ددې کمیټې د رئیس او غړو په ګډون سره د سټنډرډ ملي ادارې د تخنیکي غونډو په تالار کې جوړه شوې وه.
پدې غونډه کې په ودانیو کې د اوبو د سپما د کړنلارې د سټنډرډ په مسودې په هغه ځای کې د بیاځلې کارونې په طریقې او د هوا کیفیت په اړه بحث او د نظرونو تبادله وشوه.
د اوبو د سپما اهمیت د دې حیاتي سرچینې په ساتنه او د یو باثباته راتلونکي په جوړولو کې مرسته کوي. د اوبو د مصرف زیاتوالی، په ځانګړې توګه په کرنه، صنعت او کور کې، د اوبو د سرچینو د چټک کمښت لامل کیږي. د اوبو د مصرف په سپمولو سره، دا ممکنه ده چې د دې ارزښتناکه زیرمو د ضایع کیدو مخه ونیول شي او په راتلونکي کې د اوبو د بحران څخه مخنیوی وشي.
