د ودانیزو توکو د سټنډرډونو د جوړونې تخنیکي غونډه په سټنډرډ ملي اداره کې ترسره شوه
د سټنډرډ ملي ادارې د ودانیزو توکو د سټنډردونو د جوړونې د تخنیکي کمېټې غونډه د ملي سټنډرډونو او ودانیزو کوډونو د جوړونې او رواجولو رئیس مولوي محمد حنیف، د اړوندې کمېټې رئیس او غړو په ګډون سره ددې ادارې د تخنیکي غونډو په تالار کې ترسره شوه.
په دې غونډه کې د کانکریټ لپاره د کیمیاوي اضافه کېدونکو توکو د ځانګړتیاوو سټنډرډونه او د ازموینې کړنلارې تائید شوې او د فولادي میخونو د سټنډرډونو د مسودې په اړه بحث او نظرونه تبادله شول.
د ودانیزو توکو سټنډردونه د ځانګړتیاوو، لارښوونو او تخنیکي او مسلکي کړنو یوه ټولګه ده چې معماران او انجنیران یې باید د جوړونې په برخه کې تعقیب کړي، ترڅو د ودانیو خوندیتوب او ثبات ډاډمن شي او د طبیعي پېښو پر وړاندې یې مقاومت زیات کړي.
