د سټنډرډ ملي ادارې لوی رییس به د منځنۍ اسیا هېوادونو اقتصادي لید ناسته Camca کې ګډون وکړي.
ټاکل شوې د سټنډرډ ملي ادارې لوی رییس ذبیح الله زیارمل د منځنۍ اسیا هېوادونو په (Camca) ناسته کې چې د روان زېږدیز کال د جون میاشتې له (۲۱ـ۲۵) نېټه په انلاین بڼه ترسره کېږي، ګډون وکړي. ښاغلی زیارمل د (Camca) غړي په توګه د ناستې د چلولو مسوولیت په غاړه لري.
(Camca) یوه غیر سیاسي شبکه ده چې د سیمییزې مجمع د کوربه په توګه په مرکزي اسیا په ځانګړې توګه د غړو هېوادونو (مغولستان، قفقاز، افغانستان) د اقتصادي او ټولنیزې ودې په برخه کې کار کوي. د دې ناستې غړي او ګډون کوونکي نړیوال رهبران، څېړونکي، متخصصین، د خصوصي سکټور مدیران او مدني فعالان دي چې نوي فکرونه، پوهه، تخصص، تجربې او افکار له یو او بل سره شریکوي. د سیمې د رهبرانو دغه نوی نسل د ازاد بازار اقتصادي سېسټمونو، غوره رهبرۍ، د قانون حاکمیت او د انسان بنسټیزې ازادۍ ته ارزښت ورکوي او پر ګډو پروژ د فعالیت له لارې د سیمې له ودې او پرمختګ سره د همکارۍ په اساس مرسته کوي.
