د سټنډرډ ملي ادارې لوی رئیس د هرات ولایت د سوداګرۍ خونې له مرستیال او ځینو ملي سوداګرو سره کتنه وکړه.
د سټنډرډ ملي ادارې لوی رئیس الحاج ملا فیض الله تمیم د هرات ولایت د سوداګرۍ خونې له مرستیال حاجي سعید صدیقي او ځینو ملي سوداګرو سره په خپل کاري دفتر کې وکتل.
په دې کتنه کې الحاج ملا فیض الله تمیم هغوی ته ښه راغلاست ووایه او زیاته یې کړه چې د خلکو صحت او سلامتي او د اجناسو د کیفیت تضمین د انسا ادارې له اصولو څخه یو بنسټیز اصل دی، چې فساد یې پر وړاندې یوه ناوړه پدیده ده او پر ملت او حکومت منفي اغېزې لري. نوموړي زیاته کړه چې موږ په هر ډول شرایطو کې ستاسو همکار یو او لټه کوو چې ستاسو ستونزو ته په جدي توګه رسېدنه وشي.
ښاغلي صدیقي د ملي سټنډرډ ادارې له مشر څخه په مننې سره د نورو او هر اړخیزو مرستو ژمنه وکړه.
غونډه د سټنډرډ ملي ادارې تخنیکي مرستیال مفتی محمد حامد لخوا په اختتامیه دعاء پای ته ورسیده.
