په سټنډرډ ملي اداره کې د تخنیکي کمیټې لخوا د معادنونو په سټنډرډونو په اړه غونډه جوړه شوه
د سټنډرډ ملي ادارې د معادنونو معیارونو د لوړولو تخنیکي کمېټې غونډه جوړه شوه. دغه غونډه د ادارې سټنډرډونو ریاست د غونډو په تالار کې د تخنیکي چارو مرستیال مولوي محمد اصف قانت, د کميټې رئیس ,غړو او اړونده څانګو مسلکي کارپوهانو په ګډون جوړه شوه. په لومړي سر کې د غړو معرفت ترسره شو وروسته په غونډه کې د تخنیکي چارو مرستیال مولوي محمد اصف قانت ټولو ګډون والو ته ښه راغلاست وویل او د معادنونو د سټنډرډونو په ارزښت خبرې او ټینګار وکړ.
د کمیټې رئیس د کمیټې سکرتر ته دنده وسپارله چې د لاندې مواردو په هکله په معتبرو نړیوالو سرچینو کې لټون او تحقیق وکړي او کمیټې ته راپور ورکړي.
1: د کان کیندنې، پلان جوړونې، سروې کولو او جیولوژي په برخه کې سټنډرډونه
۲: د کانونو اکتشاف سټنډرډونه
۳: د کانونو سټنډرډونه
4: د کانونو په ساحه کې د روغتیا او خوندیتوب په څانګه کې سټنډرډونه
5: د چاودیدونکو توکو په کارولو کې سټنډرډونه
6: د تزئیني ډبرو پروسس څانګه کې سټنډرډونه
7: د کانونو په ساحه کې د چاپیریال سټنډرډونه
په پای کې د راتلونکي لپاره کمیټې د کاري پلان په اړه هر اړخیزه او تخنیکي بحثونه وشول. د معادنونو سټنډرډونه د خورا مهم معیارونو څخه دي چې په نړیوالو بازرونو کې ځانته ارزښت لري.
