د سټنډرډ ملي ادارې عمومي رئیس او رهبري پلاوي د ازبکستان سفیر سره په خپل کاري دفتر کې وکتل
دغه غونډه د قران عظیم شان د څو مبارکو ایاتونو په تلاوت سره پیل شوه.
په لومړي سر کې د سټنډرډ ملي ادارې عمومي رئیس الحاج ملا فیض الله " تمیم" د ازبکستان سفیر یادګار خواجه شادمانوف او ورسره مل پلاوي ته ښه راغلاست ویلو ترڅنګ د دواړو هیوادنو د لا زیاتو همکاریو باندې تاکید وکړ.
د ستڼډرډ ملي ادارې عمومي رئیس په خپلو خبرو کې وویل موږ کوښښ کوو دغه مجلس د دواړو هیوادنو د ښه تجارت لپاره بنسټ وګرځي.
وروسته د ازبکستان سفیر ښاغلي شادمانوف د سټنډرډ ملي ادارې له عمومي رئیس او رهبري پلاوې څخه مننه کوو چې موږ ته یې وخت راکړ چې د دواړو هیوادنو د سټنډرډ ملي ادارو د لا زیاتو همکاریو په باب وغږیږو او د دواړو هیوادنو اصلي موخه د تجارتي اړیکو پراختیا ده.
د سټنډرډ ملي ادارې د تخنیکي چارو مرستیال مفتي محمد "حامد" په پیل کې ټولو میلمنو ته ښه راغلاست وویل او زیاته کړه ازبکستان د افغانستان نږدې ګاونډۍ دی موږ غواړو یو بل سره ښې هر اړخیزي اړیکې ولرو موږ د یو بل په مرستې کولای شو چې خپلې اړیکې ته پراختیا ورکړو.
زموږ غوښتنه له تاسو دا ده چې د سټنډرډ ملي ادارې د کارکوونکو د ظرفیت په لوړنې برخه کې موږ سره مرسته وکړی دا به زموږ په روابطو ښه اثر ولري .
د غونډې په پای کې ښاغلي شادمانوف د کارکوونکو د ظرفیت د لوړنې په برخه کې وعده وکړه.
