د سټنډرډ ملي ادارې د ۱۴۰۲ کاري پلان په اړه غونډه جوړه شوه
د سټنډرډ ملي ادارې د 1402 کاري پلان د پروګرامونو، د ښه تطبیق د څرنګوالي په اړه غونډه جوړه شوه.په دې غونډه کې د سټنډرډ ملي ادارې عمومي رئیس الحاج ملا فیض الله تمیم، د دې ادارې مالي او اداري مرستیال محترم مولوي عطاء الله فرید، محترم مولوي محمد اصف قانت، تخنیکي چارو مرستیال، د دفتر رئیس مولوي وحید احمد بدري او اړوندو ادارو رئیسانو او مسؤلینو ګډون کړی ؤ. غونډه په لومړي سر کې د دغه ادارې د پلان او پاليسۍ رئيس رحمت الله ولي له خوا ياد شوى پلان د پريزنټېشن په بڼه وړاندې شو، اړوندو مسوولينو پرې خبرې وکړې او نظرونه يې تبادله کړل او د ښه والي او پياوړتيا په اړه يې خپل نظرونه څرګند کړل.
