د سټنډرډ ملي ادارې د نساجي او چرم سټنډرډونو جوړولو تخنیکي غونډه ترسره شوه
دا غونډه د سټنډرډونو او ملي ودانیزو کوډونو د جوړولو او رواجولو رئیس مولوي محمد حنیف، ددې کميټې د رئیس او غړو په ګډون سره د تخنیکي غونډو په تالار کې جوړه شوې وه.
پدې غونډه کې د بوټ د تلي د ازمايښت د کړنلارې د سټنډرډ په مسودې او د چرم د سټنډرډ په ځینې اصطلاحاتو - په فزیکي او ميخانيکي ازمايښتونو- د اوبو د بخار د جذب په اړه بحث او د نظرونو تبادله وشوه.
د بوټ د تلي د سایشي مقاومت د ازمايښت کړنلارې سټندرډ د بیلابیلو بوټونو د تلي پرته د جنس په نظر کې نیولو سره کارونه لري.
ددې سټنډرډ د جوړولو موخه د اوبو د بخار د جذب اندازه کول دي او په بیلابیلو چرمونو کې په ځانګړي ډول د بوټونو په چرم کې کارول کیږي.
