د سټنډرډ ملي ادارې او د جلغوزیو د لېږدوونکو د اتحادیې تر منځ د همکارۍ هوکړه لیک لاسلیک شو.
د سټنډرډ ملي ادارې د تخنیکي مرستیال خواجه جاوید صدیقي او د لېږدوونکو د اجرایوي رییس سخي الرحمن عابد تر منځ د جلغوزیو د ملي سټنډرډ د تطبیق، ترویج او پراختیا په برخه کې د همکارۍ هوکړه لیک لاسلیک شو. د افغانستان د اسلامي جمهوري دولت د ولسمشر د حکم په اساس د هېواد په کچه د جلغوزیو د کار د تقویې په برخه کې یاد هوکړه لیک په دوه نخسو او څلورو مادو کې ترتیب شوی و چې موخه یې د جلغوزیو د کیفیت زیاتوالی او د جلغوزیو د ملي سټنډرډ د تطبیق، ترویج او پرختیا له مخې د صادراتو وده او سیمییزو او نړیوالو بازارونو ته د جلغوزیو لار موندل ښودل شوي دي. د دغه هوکړه لیک له مخې دواړه لورو د جلغوزیو د ملي سټنډرډ د تطبیف، ترویج او پراختیا په موخه د خپلو هڅو ژمنه وکړه او په وینا یې چې په دې برخه کې به خپلې هڅې ونه سپموي.
