د سټنډرډ ملي ادارې د مشرتابه پلاوي غونډه ترسره شوه.
شنبه
۲۹/غبرګولی/۱۴۰۰
د سټنډرډ ملي ادارې د مشرتابه پلاوي غونډه د لوی رییس ذبیح الله زیارمل په مشرۍ ترسره شوه چې د دې ادارې سلاکارانو، رییسانو او د اړونده برخو مسوولینو په کې برخه لرله.
په پیل کې کې ښاغلي زیارمل د مخکینۍ ناستې لارښوونې او تصمیمونه، د پرمختګ سلنه او خنډونه وڅېړل او د انسا ادارې د رول پر پیاوړتیا او د کیفیت بنسټ په برخه کې یې پر عملي ګامونو تاکید وکړ. نوموړي ظرفیت جوړونه او د انساني ځواک د کمزورو او پیاوړو ټکو پېژندنه خپل لومړیتوب وګاڼه او د ادارې د ننه د همکارۍ او همغږۍ روحیې د ایجاد غوښتونکی شو.
دغه راز د اداري چارو د ښه والي، له اړونده حکومتي ادارو او د نورو هېوادونو د سټنډرډ له ادارو سره د اړیکو د پیاوړتیا د کړنلارو او طرحو پر چمتووالي، له خصوصي سکټور او توریډي او تولیدي شرکتونو سره د غوره اړیکو ایجاد، د شرکتونو او صنایعو د مدیریتي پروسو ارزیابي او دې ته ورته د لسګونه مواردو پر سر بحث ترسره شو.
د دې ترڅنګ اړونده مسوولینو د خپلو کاري فعالیتونو راپور، وړاندیزونه او نظرونه وړاندې کړل او د لوی رییس له لوري یې د چارو د لا غوراوي په موخه یې لارښوونې او سپارښتنې ترلاسه کړې.
د انسا رهبري په دې هڅه کې ده، څو په هېواد کې اقتصادي ودې او پراختیا، د مستهلکینو د حقوقو خوندیتوب او د کیفیت بنسټ د پیاوړتیا په برخه کې عملي ګامونه پورته کړي.
