د سټنډرډ ملي ادارې د خوراکي توکو د سټنډرډونو د جوړونې تخنیکي کمیټې غونډه جوړه شوه
غونډه د ملي سټنډرډونو او ودانیزو کوډونو د جوړونې رئیس مولوي محمد حنیف، د اړوند کمیټې رئیس او د کمیټې د غړو په ګډون د یادې ادارې د تخنیکي غونډو په تالار کې ترسره شوه.
په دې غونډه کې د "د خوراکي توکو د عمده بسته بندۍ لپاره د لیبللګولو عمومي سټنډرډ" او د دې سټنډرډ مهم تخنیکي ټکي وڅېړل شول، چې په اړه یې بحث او نظریات تبادله شول.
د خوراکي توکو سټنډرډونه د کیفیت او خوندیت تضمینوي او دا زمینه برابروي چې محصولات د سیمهییزو او نړیوالو معیارونو سره برابر وي. یاد سټنډرډونه د کیفیي تصدیقلیکونو (سرتیفیکټونو) د ورکړې لپاره لار هواروي او د نړیوال تجارت پر وړاندې تخنیکي خنډونه له منځه وړي.
