د سټنډرډ ملي ادارې د هېواد په بندرونو کې د ودانیزو توکو د کیفیت تثبیت او کنټرول پروسه په روڼتیا او پرېکنده توګه مدیریت کړې ده
انسا ادارې د خپلو ګرانو هېوادوالو د روغتیا، سلامتیا او د مصرفوونکو د حقونو د خونديتوب په موخه د وارداتي توکو د معیاري کولو لپاره نه ستړي کېدونکي هڅې ترسره کړي دي. د هېواد د بندرونو د تنظیم او د وارداتو د کنټرول له لارې، دې ادارې د سټنډرډونو خلاف ودانیزو توکو د وارداتو مخنیوی کړی دی.
د معتبرو راپورونو له مخې، د (۱۴۰۳ لمریز کال د وري له لومړۍ څخه د سلواغې تر۳۰ ( پورې )۶۵۷۹۶ (محمولې ودانیزو توکي، چې ټولیز وزن یې )۲۴۵۶۹۸۷.۱۲( ټنه او (۷۸۳۲۱۲۱.۰۱) متراژ متره مربع دی، د هېواد په بندرونو کې کیفیت تثبیت شوي دي.
له دې جملې څخه، (۴۵) محمولې چې ټولیز وزن یې (۱۲۲۶.۸۱) ټنه دی، د سټنډرډونو خلاف تثبیت شوي دي.
د تر ازمایښت لاندې نیول شوي توکي سمنټ، ګادر، قیر، کاشي، سیرامیک او نور ودانیز توکي دي، چې په مجموعي ډول (۳۴۳۶۷) نمونې د لابراتواري ازمایښت لاندې نیول شوي دي.
د افغانستان سټنډرډ ملي اداره، چې د هېواد یوازیني رسمي بنسټ په توګه د کیفیت د تثبیت او کنټرول مسؤلیت لري، د مسلکي پرسونل او مجهزو لابراتوارونو په درلودلو سره، د ودانیز صنعت د معیاري کولو ته ژمنه ده.
