د فراه ولایت په میل 78 بندر کې د تېلو بند پاتې ټانکرونو د بیا نمونې اخیستنې پایلې د افغانستان اسلامي امارت عالي مقام ته واستول شوې
یکشنبه
24/سلواغه/1400
د رییس الوزرا د اقتصادي مرستیال استازي احمد یاسر، د سوداګرۍ او صنعت وزارت، مالیې وزارت، د افغانستان د نفتو او اوبلن ګازو د دولتي شرکت عمومي ریاست او د سټنډرډ ملي ادارې ګډ پلاوي د نفتي توکو د کیفیت د کنټرول په بهیر کې د ستونزو د حل لپاره او په ځانګړي توګه د تیلو ټانکرونه چې پخوا د TCRC شرکت له خوا په میل 78 بندر کې د نورم خلاف تثبیت او مهرلاک شوي وو جوړ شوو
د فراه ولایت چارواکو او مرکزی ګډ پلاوې پرېکړه وکړه چې له پورتنیو ټانکرونو څخه نمونې بیا ځل واخیستل شی او د کیفیت د څرګندولو په موخه دې د افغانستان سټنډرډ ملي ادارې مرکزي لابراتوارونو ته وسپارل شی
ټاکل شوی تخنیکی پلاوی په شفافه توګه د نفتی توکو سوداګرو په شتون کې 182 نمونی واخیستي او د کیفیت د تثبیت په موخه یې د سټنډرد ملي اداری مرکزي لابراټوارونو ته واستولې
د موضوع استعجالیت ته په کتو د اړونده ادارو د استازو په شتون کې د لابراټواري ازمایښتونو بهیر په عملي توګه پیل چې په پایله کې یې ټولې نمونې د ملي معیارونو سره په ټکر کې وې چې موضوع د اړینو تصمیمونو د نیولو لپاره د افغانستان اسلامي امارت لوی مقام ریاست الوزرا ته واستول شوه
