د معیار او کیفیت ادارې په کابل ولایت کې د اوسپنې ویلې کولو له سکټور څخه څارنه وکړه

د ریاست الوزراء اقتصادي کمیسیون د محترم مقام د لارښوونې پر اساس، ګډې څارونکې کمېټې د کابل په ښار او ولسواليو کې د اوسپنيزو توکو د تولید په برخه کې د داخلي معیارونو د پلي کولو د ارزونې او څېړنې لړۍ پیل کړه.

دې کمېټې د معیار او کیفیت ادارې تر سر پرستۍ لاندې او د لاندې ادارو د استازو په شتون کې خپل فعالیت په ګډه ترسره کړ:

• د کرنې، اوبولګولو او مالدارۍ  وزارت

• د صنعت او سوداګرۍ وزارت

• د عامې روغتیا وزارت

• د چاپېریال ساتنې ملي اداره

• د کور او ښار جوړولو وزارت

• کابل ښاروالۍ

• د صنایعو او کانونو خونې

• د فرمانونو او احکامو د څارنې او تعقیب عمومي ریاست

د دغې څارنې پر مهال، یاد پلاوي د اوسپنې ویلې کولو په ۱۴ فابریکو کې د معیارونو د پلي کولو کچه، د تولیداتو کیفیت او نور اړوند تخنیکي مسایل هر اړخیز وڅېړل.

ددې اقدام موخه د کورنیو تولیداتو پیاوړي کول، د غیر معیاري تولیداتو مخنیوی او په هېواد کې د باکیفیته زیربناوو ملاتړ ښودل شوی دی.

د معیار او کیفیت اداره ټینګار کوي چې د څارنې دا لړۍ به په بازار کې د شفافیت او د کورنیو صنایعو د کیفیت په پار د مسؤلو بنسټونو سره په نږدې همغږۍ کې په دوامداره توګه روانه وي.