د ۱۴۰۴ مالي کال لپاره د سټنډرډ ملي ادارې د کیفي تصدیق پاڼو د وېش پروژې د تجهیزاتو د تدارک د بیا اعلان په اړه
سټنډرډ ملي اداره ټولو په شرایطو برابرو داوطلبانو ته بلنه ورکوي چې د ۱۴۰۴ مالي کال لپاره د سټنډرډ ملي ادارې د کیفي تصدیق پاڼو د وېش پروژې د تجهیزاتو د تدارک په داوطلبۍ پروسه کې ګډون وکړي. د اړوندې شرطپاڼې سافټ کاپي دې د ملي تدارکاتو له ویب سایټ څخه او یا په وړیا ډول په فلش ډیسک کې د سټنډرډ ملي ادارې د تدارکاتو له آمریت څخه ترلاسه کړي.
خپل وړاندیزونه دې د شرطپاڼې د شرایطو او د تدارکاتو د قانون او طرزالعمل سره سم، په سرتړلي ډول د اعلان له نیټې څخه تر ۲۱ تقویمي ورځو پورې د سټنډرډ ملي ادارې د تدارکاتو آمریت ته چې د کابل-جلال اباد پر لویه لاره، له نوي سړک څخه وروسته په صنعتي ښارګوټي کې موقعیت لري، وسپاري. ناوخته رسیدلي او انټرنیټي وړاندیزونه د منلو وړ ندي.
د وړاندیز تضمین د بانکي تضمین په بڼه (۶۹۵،۵۰۰) شپږ سوه پنځه نوي زره او پنځه سوه افغانۍ دی. د وړاندیز پرانیست غونډه د اعلان له نیټې څخه ۲۱ تقویمي ورځې وروسته، د سهار په ۱۰:۰۰ بجو د سټنډرډ ملي ادارې په دریم پوړ کې د تدارکاتو په آمریت کې ترسره کیږي.
