په سټنډرډ ملي اداره کې د کیفیت د مدیریت سیستم د سټنډرډونو د جوړونې اړوند غونډه ترسره شوه

پدې غونډه کې د ملي سټنډرډونو او ودانیزو کوډونو د جوړولو او رواجولو رئیس مولوي محمد حنیف، د اړوندې کمیټې رئیس او غړو ګډون درلود چې د تخنیکي غونډو په تالار کې جوړه شوې وه.

پدې غونډه کې د عمومي نړیوالو اړیتاوو په سټنډرډ د لابراتوارونو لپاره د وړتیاوو د آزمایښت، عیارونې، نمونه اخیستنې (ISO 17025:2017) او پهISO 9001:2015/Amd.1:2024)  او(ISO 22000:2018/Amd.1:2024 اصلاحیه برخو باندې بحث او د نظرونو تبادله وشوه.

ISO 17025:2017 سټنډرډ د لابراتوار په ښه والي او د عملي کار په برخه ډېره کې مرسته کوي او د اعتبار، د کیفیت ښه والي، د مدیریت برخې اغیزمنتیا، د پیریدونکو د رضایت او د سوادګرۍ په برخه کې د فرصتونو رامنځته کولو لپاره ډېر مهم رول لري.

همدارنګه دISO 9001:2015/Amd.1:2024)  او(ISO 22000:2018/Amd.1:2024 هغه اصلاحیې دي، چې د اقلیمي بدلون په برخه کې ډېر کارول کیږي.