په هېواد کې د رغولو او ودانولو د برخې د تولیداتو د معیاري کولو لپاره د سیخ ګول پر تولیدي فابریکو د نظارتي پروسې دوام
د ستندرد ملي ادارې، صنایعو او پانگونې خونې او د افغانستان د اوسپنې ویلې کولو اتحادیې ګډې نظارتي کمېټې په هرات او ننګرهار کې د سیخ ګول فابریکې تفتیش او وارزولې.
د افغانستان د اوسپنې ویلې کولو د فابریکو پر تولیداتو د نظارت ګډه کمېټه، چې له ستندرد ملي ادارې، صنایعو او کانونو اتاق او د افغانستان د اوسپنې ویلې کولو د فابریکو له اتحادیې څخه جوړه ده، د انسا ادارې د استازو په مشرۍ د ګډې پرېکړې پر اساس هرات او ننګرهار ته ولاړل او په دې ولایت کې یې د سیخ ګول د برخې تولیدي فعالیت تفتیش او وارزاوه.
د نظارت ټیم د سیخ ګول د تولیدي برخې د فابریکو له مسئولینو سره وکتل او د معیاري کولو او ستندردونو د پلي کولو په برخه کې یې له هغوی سره معلومات شریک کړل.
