د نظم او ډسپلین کمېټې د خپلو مخکینیو سپارښتنو پر بنسټ د ادارې له بېلا بېلو برخو څخه لیدنه وکړه.
۵ زمری/ ۱۴۰۰
د نظم او ډسپلین کمېټه چې د مشرتابه پلاوي د مخکینۍ ناستې پر بنسټ ایجاد شوې وه، ناستې یې د اداري او مالي چارو د عمومي رییس محمد وحید نوري په مشرۍ او د اړونده برخو د رییسانو او امرینو په ګډون ترسره کېږي.
یادې کمېټې د تخنیکي عمومي رییسې انجنیر ساناز سلیمي او د یو شمېر رییسانو په ملتیا د اړونده شعبو او څانګو څخه لیدنه وکړه.
د دغې لیدنې موخه د کارکوونکو د وضعیت او په شعبو کې د نظم او ډسپلین څرنګوالي څېړنه وه چې د کارکوونکو ستونزې او وړاندیزونه واورېدل شول. دغه راز د چارو د لا ښه والي په موخه د انسا د رهبرۍ له خوا لازمې لارښوونې وړاندې شوې.
دا په داسې حال کې ده چې یادې کمېټې په خپله مخکینۍ ناسته کې په بېلا بېلو برخو کې لکه له مسلکي تګلارو ګټنه، د مدیریتي اخلاقو رعایت، د چارو چټکوالۍ او یو شمېر نور مهم شاوخوا (۳۰) موضوعات د رایو په اتفاق تصویب او د ادارې ټولو واحدونو ته ابلاغ شوي دي.
