د اسلامي هېوادونو لپاره د سټنډرډ او مټرولوژۍ انسټیټوټ کلنۍ عمومي غونډه ترسره شوه.
د اسلامي هېوادونو لپاره د سټنډرډ او مټرولوژۍ انسټیټوټ کلنۍ عمومي غونډه ترسره شوه.
د سټنډرډ ملي ادارې عمومي رییس ډاکټر محمد موسی عَلَمي او ورسره مل پلاوي د اسلامي هېوادونو لپاره د سټنډرډ او مټرولوژۍ د انسټیټوټ یا(SMIIC) په څوارلسمه کلنۍ عمومي غونډه کې چې د سعودي عربستان هېواد د مکې مکرمې په ښار کې د روان کال د لړم میاشتې په(۱۴)نېټه ترسره شوه، برخه واخیسته. په یاده غونډه کې لومړۍ د سټنډرډ جوړونې د مدیریت، د مطابقت ارزونې او د باور ورکولو شورا ګانو مشرانو خپل کلني راپورونه وړاندې کړل. د دې ترڅنګ د تېر مالي کال د تفتیش راپور هم ومنل شو او د راتلونکي کال لپاره د غړو هېوادونو له خوا د یاد انسټیټوټ کلنۍ بودجه منظور شوه. په پای کې د (SMIIC) د پنځلسمې کلنۍ عمومي غونډې د تر سره کېدلو ځای د عربستان هېواد د مدینې منورې ښار وټاکل شو.
د یادونې وړ ده چې د سټنډرډ ملي ادارې پلاوي د دغه سفر په لړ کې د عمرې حج مراسم هم ادا کړل.
