د سټنډرډ ملي ادارې او سوداګرۍ او صنعت وزارت.
ترمنځ غونډه ترسره سوه.
دغه غونډه چې د ۲۲/ چنګاښ/۱۴۰۰ نېټه په سوداګرۍ او صنعت وزارت کې ترسره شوه، د سټنډرډ ملي ادارې تخنیکي عمومي رییسې انجنیر ساناز سلیمي، د دغه وزارت معین محمد سلمان بن شاه او د اړونده برخو یو شمېر مسوولینو په کې برخه لرله.
په دغه ناسته کې د تولیدي، صادراتي او وارداتي محصولاتو د کیفیت ملي بنسټ پر طرحه بحث او نظرونه وړاندې شول. دغه راز د مرکزي جواز ورکولو او د صاداراتو د پروسې مرکز په ځای کې د سټنډرډ ملي ادارې د غرفې ایجاد، د معیاري محصولاتو د تلپاتې نندارتون ایجاد، د افغانستان د ملي سټنډرډ نښان په ترویج کې همکاري او د سوداګرۍ او صنعت وزارت او انسا ادارې ترمنځ پر یو شمېر نورو همکاریو هوکړه وشوه.
