د سټنډرډ ملي ادارې د دعوت ارشاد ریاست لپاره نوی رئیس معرفي او رسما یې په خپل کار پیل وکړ
د سټنډرډ ملي ادارې د پشنهاد په اساس د ریاست الوزراء د محترم مقام د حکم پر بنسټ مولوي احمد الغازي د یادې ادارې د نوي رئیس په توګه معرفي او رسما یې دنده پیل کړه.
د معرفي په یادو مراسمو کې د سټنډرډ ملي ادارې تخنیکي مرستیال مولوي محمد اصف قانت، مالي او اداري مرستیال مولوي عطاءالله فرید او نورو ګڼو رئیسانو او مسؤلینو ګډون کړی و.
د سټنډرډ ملي ادارې تخنیکي مرستیال مولوي محمد آصف قانت ښاغلي مولوی الغازي ته د نوې دندې د مبارکۍ تر څنګ وویل چې تغیر او تبدیل په نظام کې یو مهم اصل دی او دا چاره د کارونو د ښه سمونتیا او روڼتیا په خاطر ترسره کېږي.
یاد مراسم د کیفي تصدیق پاڼو د رئیس مولوي محمد حنیف مصباح په دعا سره پای ته ورسېدل.
